浸信會民主的弊端

基督教會中以浸信會為最民主的宗派,但係就民主到過晒龍;事關教會傳道牧師等都要變成僱工咁,佢哋要成日睇d執事同會友d面色先至可以確保飯碗;講真真係好羞家同淒涼!大部份的浸信會都有月會既安排,事無大細都要會友通過,咁傳道牧師續約梗係要問過d會友先至可以通過喇;所以,你咪見到果d牧師傳道唔敢隨便得失果班執事同會友,否則想唔撈咩!特別係响果d大教會,而執事又話係終生果種,真係唔死都有排驚!所以,教會係要講民主,但係就唔好走極端;因為牧者係神所差派嚟的,他們都要受尊重同埋有屬靈權柄既。因此,浸信會若果唔想d牧者做契弟,就認真要諗諗將牧者的地位提番高d,咁樣,佢哋先至可以領導番班執事!我認為教會既執事會屬靈事就由牧者fit;行政事務就由執事主意,咁就河水不犯井水;但係交流吓睇法就無妨!這種做法總好過現在既浸信會制度,攪到班牧者人唔似人,鬼唔似鬼咁!奉勸浸會班大佬要認真諗諗,唔係就同宣道會既情況無乜大分別,即係死得人多囉!

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s