教會的禁慾問題

舊日的天主教會著重修道,今日的天主教會仍看重獨身!基督教會似乎是相反,牧師可以結婚,因保羅明講與其慾火攻心,不如嫁娶為妙!但可惜,教會女多男少,於是攪到d姊妹要守獨身的機會增大。很多人都認為姻緣天註定,既然上帝沒有預備,咁咪算囉!咁一係就叫d人帶多d男仔返教會,催谷吓都可以叫多d男仔信主咪得囉,但係呢個做法真係遠水不能救近火;反而係叫d姊妹同d未信既男仔拍拖餐士仲高!咁大家就會搬出「信與不信,不能同負一軛」呢張皇牌嚟震壓住d人;我以前都係用呢張牌叫人唔好亂嚟,而且宣道會仲話要紀律呢d人,不過,我都無照跟足嚟做。但係如果呢張皇牌ok,則所有信徒都唔可以同不信者合作做生意,做同事等等;連果d唔信既家人都唔可以一齊住!所以,我話唔好一本通書讀到老,鍾意咪同佢拍拖同結婚囉,使乜驚喎!?聖經都有教人若有未信主的配偶都唔好飛佢喇,咁如果你揀番個老婆或老公而令佢信埋主,咁梗係好啦!但係如果你揀咗個唔肯信主既配偶,咁咪學吓忍耐和愛心囉!(註明:妳/你梗係點都要信主喇!)照呢個方程式,將來教會就唔使叫d人被逼守獨身囉;咁屋企d亞媽同亞爸就唔話教會係和尚寺或師姑庵喇!

對「教會的禁慾問題」的一則回應

  1. 牧師, 咁如果一位姊妹和另一位未信男仕結婚, 想你和他們證婚, 你又肯嗎? 你又願意提供貴 堂會的大禮堂給他們行禮嗎? 你又如何向你的會眾交待呢?

  2. 首要的,是要教會領袖和會眾明白此信與不信的規條不是天條;然後就可為信和不信者舉行婚禮了!至於區聯會,則一係當佢無到,一係就要佢批准,再唔係咪脫離所屬宗派囉!

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s