慎防小人!

社會上存在小人,教會中也不乏小人。我個人看過教會中一些似乎良善的肢體和同工,但原來是偽君子,卻為真小人。若是一般肢體,他們可能因為我得罪過他,所以心懷不忿;表面上仍好像對你好,但實際上踩你踩到上心口,篤你背脊篤到飛起!同工亦是一樣,表面上是對你不錯,但其實就想反你,有機會仲唔篤盡你咩!?我在官宣事奉時,就曾經有兩位男同工篤我背脊,一位姓黃,另一位姓趙的;他們也是外表善良,但卻是內心奸險的人。平常無事時就尚O.K.,但有事時要自保就會叫你K.O.。所以,真係唔好正係睇外表,否則俾人呃晒都唔知!講真,我平常對人都幾好,就係佢哋過份時才會柄吓佢哋;但係呢d人都好記仇,所以佢哋唔反你才怪!所謂小人到處有,叫你無得走;所以,我哋都係要醒定d,否則俾人篤到灘灘腰,咁就欲哭無淚了!

對「慎防小人!」的一則回應

  1. 人已去、怨還在?
    當初大家既是全心獻上、全時間服侍上帝,何竟變成了窩裹鬭?
    仍憤憤不地指名道姓般責難"男同工們"的不是,何不來個一笑泯恩仇?

  2. 回靈望小子:相逢一笑泯恩仇並不表示不可以說出心底話,化敵為友也要先教訓他們後才化解怨恨,否則這些人以為自己做了壞事便可暪天過海!

  3. 若要指責別人的不當, 應該拿出真憑實據, 否則與共產黨抹黑政敵的技倆無異.
    若要指責男同工們所幹過的壞事, 煩請試舉例說明之.

  4. 再回應靈望小子:
           我一向講說話唔會老作,並且一定証據確鑿的。就如老趙單case,試睇吓我係網上發表過既解僱信就一清二楚,如果唔係佢報串,d執事都唔會即刻同我開刀啦!所以,你唔識嘢我唔怪你,不過,你就唔好以為夠班代人強出頭喇,知無!?

  5. 小弟只是教會中的路人甲、小混混, 並非執事們的爪牙, 黃牧你又何必對我張牙舞爪呢?
    我自知未夠班、亦未膽敢為老趙強出頭, 只是我認為凡事總離不開一個"理"字, 況且他亦曾是靈望團的一份子, 我只希望弄清真相而己。
    你所指的老趙報寸事件, 是否指那次雙方在猶大書第七節釋經上的不同見解一事?
    其實兩位都是我所敬重的傳道同工, 何竟要弄至這田地呢?
     

  6. 又回靈望小子:
      其實,通常唔夠班的人我係唔會多理,不過,見你話係靈望團d人,就答吓你咁解,真係俾足面你喇,小子!你講中了一半,我和老趙對猶大書的重點雖有不同,但更重要的是他曲解我的意思,並且寸我,我就在同工會罵他,叫他不要那麼寸,並說不想聽到他的聲音;我的目的祗是想他知錯,想知他就去同執事講,並且寫信向執事投訴我,d執事就認為係我唔啱,於是我咪香咗囉!所以,唔係佢報寸,我仲有排同班執事玩落去!你話佢係咪扺鬧呢?

  7. 無言以對…….唯有祈求上帝親自來平息彼此的紛爭,這是一位還未夠班被你黃牧師所牧養的小子一個微小的心願。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s