廣管局無厘頭!

明報尋日頭條居然係廣管局警告港台之前播既鏗鏘集之「同志.戀人」有鼓吹同性戀之嫌,真係離晒大譜!真係諗果班友係咪食塞米,居然咁既說話都講得出口!其實,睇過呢集既人都知,個節目無乜嘢,祗不過係講吓D同志既感受,連咁都要俾人炮轟;你話呢D人係咪SHOT架喇。係咁文明既社會,仲係咁無知咁去投訴.真係食飽飯無屎屙咩?!我真係見到都火起,宜家同志們邊到踩親你,你班死人頭係唔係都係處亂吠,真係唔死都無鬼用!而廣管局則更是無厘頭,應理既唔理,唔應理既走去理,真係浪費時間和金錢;我勸佢哋都係要清醒吓個腦,一係就辭職以謝天下,一係就向港台和同志道歉,否則難平眾怒!至於投訴果班友,一係係造馬,一係係無良之士,我話佢哋正一PK,真係好搞唔搞,畢宜去搞大人個肚呀笨!講返轉頭,佢哋班人都係無乜腦,死性不改既人大有人在(如明光社蔡志森之流);其實,不宜叫佢哋轉行,做八卦雜誌既老總和記者好過,夠八呀嘛!!

對「廣管局無厘頭!」的一則回應

  1. 牧師: 你好激ar, 但你講得冇錯, 廣管局真係應理唔理, 唔應理的走去理, 之前我同一些孕媽媽投訴新城某主持人, 呢個主持人話港孕婦遊行當日, 有些是假孕婦, 雖然個主持第二日話係誤會, 但言語間, 根本唔認為自己錯, 更加冇道歉, 嬲得我地send email去廣管局投訴.
    點知呢個廢柴廣管局比我地孕媽媽的答案係: 我們已翻聽有關節目。該節目為「個人意見節目」,該集內容提及孕婦上街遊行抗議,一名男主持說不知道這一群孕婦是真或假,當時另外兩位主持立即回應是真的,該男主持其後亦認同遊行孕婦應該不是假扮。節目內沒有誤導或不公平的成分;聽眾一般應不會認為整體內容構成侮辱或污蔑遊行的孕婦。因此,節目沒有抵觸相關的廣播條例。謝謝你提供寶貴意見。廣播事務管理局行政主管(蘇美芳代行)二零零六年十二月二十日
     
    你話ar,一句個人意見節目,然後一大堆廢話,就打發我地呢班孕媽媽,個主持話應該不是假扮,意思即是佢仍認為有假扮,呢個廢局就咁就算....可憐我地就嬲到爆晒燈.
     
    廣管局是非黑白不分,不知所謂!香港孕婦投訴就唔受理,港台被無聊人投訴就勁剷港台,呢個到底是什麼局?
     
    孕媽媽Ella

  2. 多謝孕媽媽Ella的回應,其實,廣管局和投訴班友,真係俾人炳得少,否則不會如此無厘頭!但願被誤解的同志或其他有心人,都出嚟講番d說話,並且支持佢哋上訴喇!

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s