官宣自討苦吃

離開了官宣(宣道會觀塘堂)已幾年,我亦沒理他們的內政和發生的事。然據聞他們早前請了位姓葉的牧師,不到兩年便離職了。我與他素未謀面,但我聽聞他曾在中華神學院任教,相信是位保守派的牧者;但不知何故,他們仍要請他,可能是有人作雞仔媒人不定。然更奇怪的是,據說他做了三個月便有打算離開的意圖。我諗佢係咪玩泥沙呢?但更奇怪的是宣道會區聯會居然通過聘請他作主任牧師,即係咁多高層見過都睇唔清楚,諗唔到佢係咪適合官宣;你話你班人係咪食塞米!?宣道會區聯會一向話堂會請牧師或辭退牧師唔係佢哋決定,但係呢d事又話要堂會要經過他們同意或批准,你話佢哋無責任就有鬼!最慘既係,官宣d會友就係俾個班友係度亂舞!簡單嚟講,就係執事同牧師唔夾囉;咁係咪你班友攞嚟衰,明知佢咁保守,梗係要自己話事架喇,你哋都要請,咪自己攞苦嚟受,無人可憐你哋!好啦,個葉牧師走咗,佢哋又搵教會個姓趙既來作署理堂主任。呢條友,就係昔日係後面篤我背脊果個;佢因為同我對同性戀等的意見不合,令我叫佢係我眼前消失,於是佢就同執事來數我,所以咪令到d執事以為我蝦佢囉。其實,呢條友真係好奸險,佢表面就好人一個,其實係忿怒青年,成日係我面前發老脾,對D細路又寸。佢同我話唔當我係上司,祗係拍檔(partner),真係拍佢條命!仲有,佢既思想保守到我都驚,例如佢話講道時不可用powerpoint,怕影響D會友唔專心喎。而且,佢同佢老婆都係鍾意講方言既靈恩派。真係講起嚟認真得人驚。宜家去作署理還好,倘若第日真係坐正,水鬼升成上城隍廟果陣時,官宣想唔PK都幾難!不過,講真,若果佢真係擔正,我就大把功夫做,好唔得閒囉!

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s