甘乃威事件的荒謬!

甘乃威乃民主黨被欽點上位的黨員,上次立法會選舉便要其他人讓路給他上位。然事隔不久,他便搞出呢鑊炒女助理的粥;真係認真唔生性。講真,甘乃威個樣真係不敢恭維,連說話也結結巴巴,唔知民主黨係咪D人無腦,抑或係佢哋無眼光;但係米已煮成飯,唔通真係飛甩佢算咩!?所以,自甘乃威示愛事件發生後,民主黨便變得進退失據,情況就如五區總辭的看法一般。其實,甘乃威事件好簡單,係佢同個王小姐話有好感,咁呢句話係人都明係點解,仲使乜定義前定義後;一於有殺過無放過,以示範一下民主黨的勵精圖治,亦俾曾特首知道政客既風采。點知民主黨D人做嘢仲衰過曾特首,結果俾人話包庇甘乃威;而事件繼續擾攘,女助理王小姐更以公開信來插佢,但佢仍繼續厚顏無恥地說自己無嘢,至多係令對方誤會唔好意思,咁之前賠咗D錢咪已經表示歉意囉!我諗大家都明白你果頭話對人有好感,果頭被拒就炒人,係人都唔會信你係無嘢啦,死蠢!所以,呢單嘢一字咁錢,就算你真係無嘢都無人會信,咁不如認咗佢算數;唔使民主黨面目無光之外,亦可表現吓自己勇者無懼既精神。甘乃威呀甘乃威,錯就錯在你向條女示愛,不上立法會大樓公告,咁咪註定自己失敗既下場囉!

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s