民主黨攬錯腳!

社公兩黨參與五區辭職補選,投票結果雖未如理想,但仍有五十萬票緊握在手。民主黨以為可以溫和地與中央談判,結果曾特首卻邀請公民黨主席余若薇作電視辯論。民主黨以為可以取信於中央,點知今次買大開細,民主黨條氣當然唔順,因為他們以為可以有中央溝通的本錢,但卻被余氏冷手執過熱煎堆。講真,余氏是大律師,辯論未必輸俾曾特首,但係問題係佢攞到個彩。相反,民主黨便得個吉。若果,余若薇無風無浪過了辯論會,聲名當然大噪,咁民主黨又被睇扁。若果,余若薇唔覺意處於下風,則佢仍然係有被曾特首點中的對手,起碼在他眼裏仍是好料,且因五區補選而惹來垂青。難怪民主黨急急表示,請曾特首邀請各泛民各黨派親親嚟辯論,連香港江青范徐麗泰也說特首不應單請一位來辯論之類。但係曾特首的目的好明顯係做show,一方面讓中央看見他為政改方案爭取民心,另一方面,佢又唔俾現場觀眾出席來辯論,到時咪祗係互相唇舌一下便可收工。咁樣,佢咪兩邊都有著數。其實,曾特首睇見社公兩黨呢次補選都有五十萬人撐,咁佢宜家向激進民主派也釋出善意,就算唔可以成功推出政改方案,自己都唔使俾香港人閙到臭!

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s