蘇穎智與明光社

播道會恩福堂的蘇穎智與明光社似乎風馬牛不相及,但同志圈子講起呢兩件嘢都十分火滾!事關前者在教會仍不斷以鞭拂同志為能事,如最近他在教會中便說很多民主國家都有同性戀問題,言下之意便是太民主的國家都容許同性婚姻之類。想到現在不同國家都把同志婚姻合法化,你話佢唔驚就有鬼,你估佢唔怕將來俾同志抽佢出來鞭屍咩?!至於後者,則近日好似轉死性,話要跟同志做朋友,不過上帝的真理仍要宣講;言下之意,就係一隻手想握住你,另一隻手就想鍊死你;你話死唔死!?所以,講真,呢兩件嘢都係死性不改,橫睇掂睇,都係信唔過。無論佢哋表面對同志幾咁善意,都跳唔出佢哋思想既綑綁。福音派又好,保守派又好,宗教右派又好,都係無出其右地以為同志係衰人,除非你由攣變直,否則無乜好講?!同志的心裏卻想,除非你哋認為同志係性傾向唔同,唔係有乜嘢錯,咁樣先有嘢講。故此,若果保守基督徒唔肯變通,第日佢哋等到同志婚姻合法化,又或世人普遍接受同志愛時,佢哋先呢改變,就祗會給人落後到離譜和瘀到痺的感覺。其實,我真係好希望呢兩件嘢早D清醒過來,唔好再誤人子弟便好了!

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s