也來談談方舟!!

基督教圈子不知是否D人得閒無事做,成年幾兩年陸續有人為方舟真假之辯找證據。支持者如影音使團的擁護者其實都已經講咗好多,因為聖經記載的亞拉臘山便是現在土耳其既呢個山,係咁高既地方有木頭,仲唔係方舟係乜野?!現在話carbon14的報告出咗嚟,咁又話有創世前說和後說,咁大家又話睇法唔同,當然又有唔同結論。仲有網上不斷有人放片講嘢,話方舟不是什麼考古十大發現,大家唔好上影音使團既當,仲叫影音唔好做騙子,仲叫D人唔好捐錢俾佢哋等等。我認為其實搵方舟不如去搵伊甸園,因為起碼搵到都會發達,好過搵到舊木頭嚟自吹自擂!方舟真定假真係各有各說法,但係從科學角度來講,睇落真係幾難令人相信。記得好幾年前,影音使團第一齣方舟電影我都有睇,睇完都好懷疑自己係咪睇到方舟。因此,事隔幾年,仍為此事拂拂揚揚,實在有點悶!不過,要影音認錯又好難,因為衰咗無人再信佢哋同埋無人奉獻,咁樣執笠咪仲衰過明光社?!因此,佢哋祗會撐到底,甚至告人誹謗也在所不惜!因為你吹佢唔脹,佢哋真係上過亞拉臘手搵到舊木,你上過未?!好多年前,吳主光已經寫過本書仔叫「人造衛星發現方舟」,當時大家都無人爭論,甚至都係當真。但時移世易,D人求真精神上升,咁影音便係錯時間上自認權威囉!係我呢講,我都希望呢隻方舟係真既,但唔係都唔使死,祗係會笑死!其實,依家教會不少有識之士都懷疑方舟既真實,咁不如成立個探險調查隊,上山賺番筆;另外,約埋D科學家再研究和出報告,咁到時影音做埋旅行團及實驗室,就算係假都搏到同情,咁咪唔會無錢囉!講翻轉頭,要證實考古物係咪真,都有客觀方法,但係由於對時間看法不一致,於是才有達爾文進化論和創造論之爭。宜家既情況相似,再拗下去都係無用,不如面對現實,化爭論為力量,去帶人上山睇方舟,反正影音同土耳其政府咁熟,總好過去馬灣睇果隻人造方舟啊!

對「也來談談方舟!!」的一則回應

  1. 黃牧,

    去年中小弟網誌已有一文大力抨擊影音用方來「傳福音」乃徹底捨本逐末之舉:
    http://pchk.xanga.com/728725430/item/

    講起科學與宗教之爭,其實我真的看不出為什麼如此容易便可以挑起宗教界的神經。
    依小弟看法,雙方都是有關上帝:宗教思想上帝的話語、性情;科學則研究上帝的創造、大能。

    宗教界何以總是煞有介事地重視神的話語、性情,卻在不知不覺中輕看神的創造、大能呢?

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s